Isinulat ni Shaun Jethro M. Lim (G12)
Yurak Mga liping saksi sa mga pagbabago Saksi ng malalawak na kayamanan ng ating kalikasan Kung ang bansa’y patuloy na umuunlad, sila’y patuloy ring sumasaksi Sa mga karapatang niyuyurak at marahas na pang-aapi Sila’y mga tagapangalaga ng ating lupain Noon pang tayo’y di pa naging alipin Ngayon, sa sarili nilang mga tahanan, ay pilit na pinapaalis Para lang makapagtayo ang gobyerno ng mga pagawain Nawawalan ng tahanan at nawawalan ng kabuhayan Kanilang kultura at lupang ninuno Papaano naman nila aalagaan at patuloy na ipamamana Kung patuloy pa rin silang binabale-wala Napipilitan silang makibaka Para lang ipaglaban ang tunay na kanila Ngunit karamihan ay maling nababansagan ng gobyerno Komunista o terorista, at minsan ay pareho pa At sa maling pagbabansag, mali rin ang pamamahala Imbis na lutasin sa pamamagitan ng mga bukas na tenga’t isip Ay sa pamamagitan na lang ng baril at karahasan Upang ang mga malakas ang loob na magsiprotesta ay maibagsak Ating mga katutubo Niyuyurak ng gobyernong may tungkuling mag-alaga sa kanila Kaya makinig tayo sa kanilang adhikain, at suportahan ang paglaban Sapagkat lahat ng ito’y para sa kanilang kinabukasan |
Larawan mula sa: https://cdn.theculturetrip.com/wp-content/uploads/2018/04/shutterstock_1016522269.jpg